სათავგადასავლო ტური იმერეთში

ჩვენს მოგზაურობას დავიწყებთ ძუძუანას მღვიმიდან. აქ ყველაფერი ნამდვილია: არანაირი განათებები, მოაჯირები და ბილიკები. უბრალოდ სიჩუმე, სიგრილე და იმის გაცნობიერება, რომ სწორედ აქ იპოვეს მსოფლიოში უძველესი დაწნული ძაფი. ისეთი შეგრძნებაა, თითქოს არქეოლოგიურ ექსპედიციაში მოხვდი.

პირველი გაჩერება ისეთი ადგილია, რომელიც თითქმის არარეალურად გეჩვენება — კაცხის სვეტი.
განდეგილი ბერი მაქსიმეს განმარტოება 40-მეტრიანი ვიწრო კლდის წვერზე. ჩვენ ავყვებით ბილიკს, რათა სვეტს სიმაღლიდან, საუკეთესო რაკურსით შევხედოთ.
*უშუალოდ ბერთან ასვლა არ შეიძლება.

იქიდან მივდივართ მეკლდეურთა კემპინგში „სვერი“. ვსვამთ ჩაის, ვიღებთ სპეციალურ აღჭურვილობას და მივდივართ დასალაშქრად კლდოვანი ვია-ფერატა - ავდივართ 50 მეტრზე აღჭურვილ ტრასაზე, დაზღვევით. გზად გამოქვაბულს გავივლით, ბოლოს კი კლდეზე დაკიდებული საქანელა გველოდება. ფერატას შემდეგ კი პირდაპირ ჩანჩქერისკენ წავალთ.

საღამოს კოცონთან მოვკალათდებით და კარგად დავისვენებთ.

*კემპინგის ტერიტორიაზე არის მოწყობილი საშხაპეები. ვია-ფერატას შემდეგ შხაპის მიღებას შეძლებთ. ასევე არის სამზარეულო, სადაც შეგიძლიათ ყავა მოადუღოთ, ჩაი დალიოთ და საჭმელი გააცხელოთ.

აუჩქარებლად ვიღვიძებთ, ბანაკში ვსაუზმობთ და გზისთვის ვემზადებით.
დღეს — ჰაიკინგი ულამაზეს ბილიკზე მეორე, უფრო მოშორებულ ჩანჩქერთან, სადაც ბანაობა შეიძლება.

დაბრუნების შემდეგ ცოტა თავისუფალი დრო გვექნება. ვისაც სურვილი გაქვთ, შეგიძლიათ მოსინჯოთ მეკლდეურობის საფუძვლები.

ფინალური წერტილია — მღვიმის ეკლესია კლდის სულ ზედა ნაწილში.

უკანა გზაზე შევივლით ჭიათურაში, საბაგიროებისა და მაღაროების ქალაქში. იქ ადგილობრივ რესტორანში ვისადილებთ, შემდეგ კი სახლისკენ წავალთ.

როგორ ჩავიცვათ?
რა წავიღოთ?

მნიშვნელოვანია სწორად ეკიპირება, რომ მოგზაურობამ მაქსიმალური სიამოვნება მოგიტანოს. გადახედე მოკლე ინსტრუქციას ტანსაცმლისა და ფეხსაცმლის შესახებ.

გამოგვყევი სოციალურ ქსელებში