იმერული თავგადასავლები — ვია ფერატა

აღმოაჩინე თვალწარმტაცი იმერეთის მაგია — საქართველოს ერთ-ერთი ყველაზე ლამაზი რეგიონი, რომელიც ცნობილია თავისი საოცარი პეიზაჟებითა და უნიკალური ადგილებით. შემოგვიერთდი დაუვიწყარ ერთდღიან თავგადასავალში: გველოდება ლაშქრობა, საოცარი ხედები და საქართველოში ერთადერთი ვია ფერატას (via ferrata) დალაშქვრის აზარტი! არ გაუშვა შანსი, შეიგრძნო ბუნება და თავგადასავალი ისე, როგორც არასდროს!

კაცხის სვეტი:

• მოვინახულებთ უნიკალურ სამლოცველოს 40-მეტრიანი ვიწრო კლდის წვერზე, სადაც განმარტოებული ბერი ცხოვრობს
• გავივლით ფეხით მეზობელ კლდემდე, სადაც ორი გადასახედიდან იშლება სვეტის საოცარი ხედები და იმერეთის პანორამა საუკეთესო ფოტოებისთვის

შავმორევას ჩანჩქერი:

• გამგზავრება სოფელ სვერში
• ისიამოვნე 6-კილომეტრიანი საფეხმავლო მარშრუტით ჩანჩქერამდე და უკან
• ჩავალთ კანიონში, გადავკვეთთ მდინარეს და დავისვენებთ ჩანჩქერთან - ან სულაც გრილ წყალში ვიბანავებთ

ვია ფერატა:

• აღვიჭურვებით ყველა საჭირო ინვენტარით
• ავცოცდებით 50-მეტრიან კლდეზე სპეციალურად მოწყობილი ვია ფერატას მარშრუტით, პროფესიონალური ალპინისტური აღჭურვილობითა და დაზღვევით.
• შევისვენებთ გადასახედებზე და დავტკბებით იმერეთის ვრცელი პეიზაჟებით
• გამოვცდით ადრენალინს და ვიქანავებთ ჩიტის ფრენის სიმაღლეზე

რა შედის ღირებულებაში:

• ტრანსფერი კომფორტული 4x4 ავტომობილით
• პროფესიონალი გიდი ლაშქრობებისა და ექსპედიციების დიდი გამოცდილებით
• ვია ფერატას ინსტრუქტორის მომსახურება და სრული აღჭურვილობა
• დრონით გადაღებული ფოტოები და ვიდეოები შენი თავგადასავლის საუკეთესო მომენტების დასაფიქსირებლად

რა არ შედის ფასში:

• კვება (სურვილისამებრ). შეგიძლია წამოიღო შენი საკვები ან ესტუმრო ადგილობრივ რესტორნებს გზად

ეს ტური იდეალურია ყველასთვის, ვისაც სურს იმერეთის ბუნებით ტკბობა, მძაფრი შეგრძნებები და ემოციებით დატვირთული, დაუვიწყარი დღის გატარება.

17-18.05 - შაბათი-კვირა