10:00-ზე ვიკრიბებით მეტრო ავლაბართან და მივდივართ Gori-ს მიმართულებით.
გზას დაახლოებით ერთი საათი დასჭირდება.

ვსვამთ ყავას, ვეცნობით ცხენებს, ვათვალიერებთ გარემოს :)
ვიხურავთ ჩაფხუტებს, ვიცვამთ დამცავ ჟილეტებს და გავდივართ ინსტრუქტაჟს მანეჟზე. ვისწავლით ცხენის მართვას, მასზე შეჯდომას და ჩამოსვლას. როგორ ვიჯდეთ უნაგირში და რა ვუყოთ ფეხებს.

მანეჟის შემდეგ მაშინვე მივდივართ 2-საათიან გასეირნებაზე შემოგარენში. ვივლით მწკრივში, მშვიდი ტემპით. მთელი ორი საათი უნაგირში ჯდომა არ მოგიწევთ — შუა გზაზე პატარა შესვენება გვექნება.

გასეირნების შემდეგ ჭამის დროა. თივის ზვინებთან სუფრას გავშლით და ვიპიკნიკებთ. იქნება ქათმის მწვადი, ყველი, ბოსტნეული და შოთი.

დაახლოებით 18:00-19:00-ზე ვსხდებით მანქანაში და თბილისისკენ ვიძვრებით. დავბრუნდებით იქ, საიდანაც დავიწყეთ: მეტრო ავლაბართან.